.jpeg)
உலகக் கிண்ண கால்பந்தாட்ட தொடரின் ‘F’ குழு லீக் ஆட்டத்தில் ஜப்பான் மற்றும் சுவீடன் அணிகள் மோதிய போட்டி 1–1 என்ற கோல் கணக்கில் சமநிலையில் நிறைவடைந்துள்ளது.
காலை 4.30 மணிக்கு ஆரம்பமான இந்த ஆட்டத்தில் தொடக்கம் முதலே இரு அணிகளும் சமபலத்துடன் விளையாடின. முதல் பாதியில் எந்த அணியும் கோல் அடிக்க முடியாமல் ஆட்டம் சமநிலையில் நீடித்தது.
இரண்டாம் பாதியில் தாக்குதல் ஆட்டத்தை தீவிரப்படுத்திய ஜப்பான் அணி, 56-வது நிமிடத்தில் முதல் கோலை அடித்து 1–0 என முன்னிலை பெற்றது. ஆனால் அதற்கு சுவீடன் அணி 62-வது நிமிடத்தில் பதிலடி கொடுத்து 1–1 என ஆட்டத்தை சமநிலைக்கு கொண்டு வந்தது.
மீதமுள்ள நேரத்தில் இரு அணிகளும் வெற்றி கோலை அடிக்க கடுமையாக முயன்றாலும், இறுதிவரை கோல் மாற்றம் எதுவும் நிகழவில்லை. இதனால் போட்டி 1–1 என்ற கணக்கில் முடிவடைந்தது.
அதேவேளை, ‘F’ குழுவுக்கான மற்றொரு லீக் ஆட்டத்தில் நெதர்லாந்து அணி துனிசியாவை 3–1 என்ற கோல் கணக்கில் வீழ்த்தி வெற்றி பெற்றுள்ளது.
ஆட்டத்தின் 3-வது நிமிடத்தில் துனிசியா வீரர் எல்லிஸ் ஸ்கிரி தவறுதலாக ஓன் கோல் அடித்ததால் நெதர்லாந்து 1–0 என முன்னிலை பெற்றது. பின்னர் 7-வது நிமிடத்தில் பிரையன் ப்ரோபி கோல் அடித்து முன்னிலையை 2–0 ஆக உயர்த்தினார்.
இரண்டாம் பாதியில் 54-வது நிமிடத்தில் துனிசியா வீரர் ஹசெம் மஸ்தூரி கோல் அடித்து வித்தியாசத்தை 2–1 ஆக குறைத்தார். ஆனால் 62-வது நிமிடத்தில் ஜோன் பால் வான் ஹெக்கே கோல் அடித்து நெதர்லாந்தின் முன்னிலையை 3–1 ஆக உறுதி செய்தார்.
மீதமுள்ள நேரத்தில் இரு அணிகளும் முயற்சி செய்தபோதும் மேலதிக கோல்கள் எதுவும் பதிவாகவில்லை. இறுதியில் நெதர்லாந்து 3–1 என்ற கணக்கில் துனிசியாவை வீழ்த்தியது.
.jpeg)