.jpeg)
.jpeg)
தலைமை தொற்றுநோயியல் நிபுணர் டாக்டர் பாலித கருணாபேமா தெரிவித்ததாவது, இதுவரை 47 மாணவர்கள் தொற்று சந்தேகத்திற்குள்ளாகியிருந்தாலும், அதில் 15 பேருக்கு மட்டுமே வைரல் மெனிஞ்சைட்டிஸ் உறுதிப்படுத்தப்பட்டுள்ளது. மீதமுள்ள மாணவர்களின் மாதிரிகள் மேலதிக ஆய்வுகளுக்காக ஆய்வகத்திற்கு அனுப்பப்பட்டுள்ளதாகவும் அவர் கூறினார்.
தற்போது 6 மாணவர்கள் டெனியாய வைத்தியசாலையில் சிகிச்சை பெற்று வருவதாகவும், நோயின் பரவலை கட்டுப்படுத்த தேவையான அனைத்து தடுப்பு நடவடிக்கைகளும் எடுக்கப்பட்டுள்ளதாகவும் அவர் தெரிவித்தார்.
மேலும், பெரிய அளவிலான பரவல் எதுவும் இதுவரை கண்டறியப்படவில்லை எனினும், நிலைமை தொடர்ந்து கண்காணிக்கப்படுவதாகவும் அதிகாரிகள் உறுதிப்படுத்தியுள்ளனர்.
முன்கூட்டிய முன்னெச்சரிக்கை நடவடிக்கையாக டெனியாய கல்வி வலயத்தில் உள்ள அனைத்து பாடசாலைகளும் தற்காலிகமாக மூடப்பட்டுள்ளன. இதன்படி, கடந்த 7 மற்றும் 8 ஆம் தேதிகளில் அனைத்து பாடசாலைகளும் மூடப்பட்டிருந்தன.
வைரல் மெனிஞ்சைட்டிஸ் என்பது பொதுவாக வைரஸ்களால் ஏற்படும் மூளை மற்றும் முதுகுத் தண்டு உறை பாதிப்பு ஆகும். பெரும்பாலானோர் 7–10 நாட்களில் முழுமையாக குணமடைவது குறிப்பிடத்தக்கது.
.jpeg)