2026 FIFA உலகக்கோப்பை தொடருக்கான இறுதி தகுதிச்சுற்றுப் போட்டிகள் உலக கால்பந்து ரசிகர்களின் கவனத்தை ஈர்த்துள்ளன. அமெரிக்கா, கனடா மற்றும் மெக்சிகோ ஆகிய நாடுகள் இணைந்து நடத்தவுள்ள இந்த உலகக்கோப்பைக்கான இறுதி அணிகள் தற்போது உறுதி செய்யப்பட்டுள்ளன.
கண்டங்களுக்கு இடையேயான பிளேஆஃப் தகுதிச்சுற்றில், ஈராக் தேசிய கால்பந்து அணி, பொலிவியா தேசிய கால்பந்து அணியை 2-1 என்ற கோல் கணக்கில் வீழ்த்தி முக்கிய வெற்றியைப் பெற்றது. இந்தப் போட்டியில் 10ஆம் நிமிடத்தில் அலி அல்-ஹமாதிவும், 53ஆம் நிமிடத்தில் அய்மன் ஹுசைன்வும் கோல்கள் அடித்து அணிக்கு வெற்றியை உறுதி செய்தனர். இதன் மூலம் 1986ஆம் ஆண்டுக்குப் பிறகு சுமார் 40 ஆண்டுகளுக்குப் பின்னர் ஈராக் அணி மீண்டும் உலகக்கோப்பைக்கு தகுதி பெற்றுள்ளது.
இதே நேரத்தில், நான்கு முறை உலக சாம்பியனாகத் திகழ்ந்த இத்தாலி தேசிய கால்பந்து அணி, போஸ்னியா மற்றும் ஹெர்செகோவினா தேசிய அணி அணியிடம் பெனால்டி ஷூட்-அவுட்டில் தோல்வியடைந்து உலகக்கோப்பை வாய்ப்பை இழந்தது. இதனால் 2018 மற்றும் 2022 உலகக்கோப்புகளுக்குப் பிறகும் தொடர்ந்து மூன்றாவது முறையாக இத்தாலி உலகக்கோப்பை தொடரில் இடம்பெற முடியாமல் போனது குறிப்பிடத்தக்கது.
இந்த வெற்றியின் மூலம் போஸ்னியா மற்றும் ஹெர்செகோவினா தேசிய அணி 2014ஆம் ஆண்டுக்குப் பிறகு மீண்டும் உலகக்கோப்பை இறுதி சுற்றுக்கு தகுதி பெற்றுள்ளது.
மேலும், காங்கோ தேசிய கால்பந்து அணி, ஜமைக்கா தேசிய கால்பந்து அணியை கூடுதல் நேரத்தில் 1-0 என்ற கோல் கணக்கில் வீழ்த்தி உலகக்கோப்பை வாய்ப்பை உறுதி செய்தது. போட்டியின் 100ஆம் நிமிடத்தில் ஆக்செல் டுவான்செபே அடித்த ஒரே கோல் அணிக்கு வெற்றியைத் தேடித்தந்தது. 1974ஆம் ஆண்டுக்குப் பிறகு, 52 ஆண்டுகள் கழித்து காங்கோ அணி உலகக்கோப்பைக்கு தகுதி பெற்றிருப்பது அந்த நாட்டில் பெரும் மகிழ்ச்சியை ஏற்படுத்தியுள்ளது.
மத்திய கிழக்கு நாடுகளில் நிலவும் பதற்றநிலையையும் மீறி, ஈரான் தேசிய கால்பந்து அணி உலகக்கோப்பையில் பங்கேற்கும் என உறுதி செய்யப்பட்டுள்ளதுடன், ஈராக் தேசிய கால்பந்து அணியின் தகுதி பெறுதலும் உலகளவில் பேசுபொருளாகியுள்ளது.
பிளேஆஃப் சுற்றுப் போட்டிகள் அனைத்தும் நிறைவடைந்துள்ள நிலையில், இந்த உலகக்கோப்பை தொடரில் பங்கேற்கவுள்ள 48 அணிகளின் இறுதி பட்டியல் அதிகாரப்பூர்வமாக வெளியிடப்பட்டுள்ளமை குறிப்பிடத்தக்கது.
