.jpe)
2025/2026 மதிப்பீட்டு ஆண்டிற்கான வருமான வரி அறிக்கைகளை எதிர்வரும் நவம்பர் 30ஆம் திகதிக்கு முன்னர் சமர்ப்பிக்குமாறு உள்நாட்டு இறைவரித் திணைக்களம் அறிவித்துள்ளது.
வருமான வரிக்காகப் பதிவு செய்துள்ள நபர்கள் உரிய காலக்கெடுவிற்குள் தமது வருமான வரி அறிக்கைகளைச் சமர்ப்பிக்க வேண்டும் எனத் திணைக்களம் வெளியிட்டுள்ள அறிக்கையில் குறிப்பிடப்பட்டுள்ளது.
குறித்த காலக்கெடுவிற்கு முன்னர் வருமான வரி அறிக்கைகளைச் சமர்ப்பிப்பதன் மூலம் இறுதிநேரத்தில் ஏற்படக்கூடிய அசௌகரியங்களைத் தவிர்த்துக்கொள்ள முடியும் என்றும் திணைக்களம் சுட்டிக்காட்டியுள்ளது.
இணையவழியில் வருமான வரி அறிக்கைகளைச் சமர்ப்பிக்கலாம்
2025/2026 மதிப்பீட்டு ஆண்டிற்கான வருமான வரி அறிக்கைகளை இணையவழி முறையிலும் சமர்ப்பிக்க முடியும் என உள்நாட்டு இறைவரித் திணைக்களம் தெரிவித்துள்ளது.
வருமான வரி அறிக்கைகளைச் சமர்ப்பிப்பது தொடர்பில் மேலதிக தகவல்கள் அல்லது தெளிவுபடுத்தல்கள் தேவைப்படுவோர் 1944 என்ற உடனடி அழைப்பு இலக்கத்தின் ஊடாகத் தொடர்புகொண்டு விபரங்களைப் பெற்றுக்கொள்ள முடியும்.
மேலும், திணைக்களத்தின் உத்தியோகபூர்வ இணையத்தளமான www.ird.gov.lk ஊடாகவும் வருமான வரி அறிக்கைகளைச் சமர்ப்பிப்பது தொடர்பான மேலதிக தகவல்களைப் பெற்றுக்கொள்ளலாம் எனத் தெரிவிக்கப்பட்டுள்ளது.
