.jpeg)
.jpeg)
இந்த காலகட்டத்தில் தலைமுடிக்கு போதுமான ஈரப்பதத்தை வழங்குவதுடன், மென்மையான கூந்தல் பராமரிப்பு முறைகளைப் பின்பற்றுவது உதவியாக இருக்கும். வீட்டில் எளிதாகக் கிடைக்கும் சில பொருட்களைப் பயன்படுத்தி செய்யக்கூடிய பராமரிப்பு முறைகள் குறித்து பார்க்கலாம்.
வாழைப்பழ ஹேர் மாஸ்க்
வாழைப்பழத்தில் பல்வேறு ஊட்டச்சத்துகள் உள்ளன. நன்கு பழுத்த ஒரு வாழைப்பழத்தை நன்றாக மசித்து, அதனுடன் 1 முதல் 2 டீஸ்பூன் ஆலிவ் எண்ணெய் சேர்த்து கலக்கலாம்.
இந்த கலவையை தலைமுடியில் தடவி சுமார் 20 முதல் 30 நிமிடங்கள் வைத்திருந்து, பின்னர் மென்மையான ஷாம்புவால் அலசலாம். இது முடியின் வறட்சியைக் குறைத்து மென்மையாக உணர உதவக்கூடும்.
முட்டை மற்றும் தேன் மாஸ்க்
முட்டையில் புரதம் உள்ளிட்ட ஊட்டச்சத்துகள் உள்ளன. இரண்டு முட்டைகளின் மஞ்சள் கருவுடன் ஒரு டேபிள்ஸ்பூன் தேன் மற்றும் சிறிதளவு தண்ணீர் சேர்த்து நன்றாகக் கலக்கவும்.
இந்த கலவையை தலைமுடியில் தடவி சுமார் 30 நிமிடங்கள் வைத்திருந்து, பின்னர் மிதமான ஷாம்புவால் அலசலாம். முடியின் வறட்சியைக் குறைத்து மென்மையைப் பராமரிக்க இது உதவக்கூடும்.
ஆலிவ் எண்ணெய் மற்றும் கற்றாழை ஹேர் மாஸ்க்
குளிர்காலத்தில் வறண்டு காணப்படும் கூந்தலுக்கு ஈரப்பதம் வழங்க ஆலிவ் எண்ணெய் மற்றும் கற்றாழை ஜெல் பயன்படுத்தப்படும் ஒரு எளிய ஹேர் மாஸ்க்கை முயற்சி செய்யலாம்.
3 முதல் 4 டேபிள்ஸ்பூன் ஆலிவ் எண்ணெயுடன் 4 டேபிள்ஸ்பூன் கற்றாழை ஜெல் மற்றும் 2 முதல் 3 டீஸ்பூன் முட்டை மஞ்சள் கருவை சேர்த்து நன்றாகக் கலக்கவும்.
இந்த கலவையை தலைமுடியில் தடவி 30 முதல் 60 நிமிடங்கள் வரை வைத்திருந்து பின்னர் நன்றாக அலசலாம்.
தயிர் ஹேர் மாஸ்க்
தயிர் தலைமுடிக்கு இயற்கையான கண்டிஷனிங் உணர்வை வழங்கக்கூடிய ஒரு பொருளாகப் பயன்படுத்தப்படுகிறது. தேவையான அளவு தயிரை எடுத்து தலையோட்டிலும் தலைமுடியின் நுனி வரையிலும் தடவலாம்.
சுமார் 30 நிமிடங்கள் வைத்திருந்து பின்னர் மிதமான ஷாம்புவால் அலசலாம். தொடர்ந்து பயன்படுத்துவதன் மூலம் வறண்ட மற்றும் சிக்கலான கூந்தலை மென்மையாக வைத்திருக்க உதவலாம்.
ஆலிவ் எண்ணெய் மசாஜ்
சிறிதளவு ஆலிவ் எண்ணெயை லேசாக வெதுவெதுப்பாகச் செய்து, தலைமுடி மற்றும் தலையோட்டில் மெதுவாக மசாஜ் செய்யலாம்.
சுமார் 30 முதல் 60 நிமிடங்கள் வைத்திருந்து பின்னர் மிதமான ஷாம்புவால் அலசலாம். அதிக சூடான எண்ணெயைப் பயன்படுத்துவதைத் தவிர்ப்பது நல்லது.
வெந்தய ஹேர் பேக்
வெந்தயத்தை இரவு முழுவதும் தண்ணீரில் ஊறவைத்து, மறுநாள் நன்றாக அரைத்து பேஸ்ட் தயாரிக்கலாம். தேவையெனில் சிறிதளவு ஆலிவ் எண்ணெய் அல்லது தேன் சேர்க்கலாம்.
இந்த பேஸ்ட்டை தலைமுடியில் தடவி 30 முதல் 45 நிமிடங்கள் வரை வைத்திருந்து பின்னர் மிதமான ஷாம்புவால் அலசலாம். இது வறண்ட கூந்தலை மென்மையாக வைத்திருக்க உதவக்கூடும்.
குளிர்காலத்தில் கூந்தலைப் பராமரிக்க சில கூடுதல் குறிப்புகள்
குளிர்காலத்தில் முடியின் வறட்சியைத் தவிர்க்க, மிகவும் சூடான நீரில் தலைமுடியைக் கழுவுவதைத் தவிர்ப்பது நல்லது. போதுமான தண்ணீர் குடிப்பது, சமச்சீர் உணவை உட்கொள்வது மற்றும் முடியை அடிக்கடி அதிக வெப்பத்திற்கு உட்படுத்தாமல் இருப்பதும் உதவியாக இருக்கும்.
மேலும், வீட்டில் பயன்படுத்தப்படும் இயற்கை பொருட்கள் அனைவருக்கும் ஒரே மாதிரியான பலனைத் தரும் என்று கூற முடியாது. தலையோட்டில் எரிச்சல், அரிப்பு அல்லது ஒவ்வாமை ஏற்பட்டால் அவற்றைப் பயன்படுத்துவதை நிறுத்துவது நல்லது. முடி உதிர்வு தொடர்ந்து அதிகமாக இருந்தால், தோல் மற்றும் முடி தொடர்பான நிபுணரிடம் ஆலோசனை பெறுவது சிறந்தது.
.jpeg)