தரவரிசையில் 19வது இடத்தில் உள்ள சுவிட்சர்லாந்து அணி, லொஸ் ஏஞ்சல்ஸ் மைதானத்தில் நடைபெற்ற இப்போட்டியில் 63வது இடத்தில் உள்ள பொஸ்னியா அணியை எதிர்கொண்டது.
ஆட்டத்தின் தொடக்கம் முதலே சுவிட்சர்லாந்து அணி பந்தைக் கட்டுப்படுத்தி, துல்லியமான பாஸ் பரிமாற்றங்களுடன் ஆட்டத்தை முழுமையாக ஆட்சி செய்தது. முதலாவது பாதியில் அவர்கள் 68% பந்தை தங்கள் வசம் வைத்திருந்ததுடன், 93% துல்லியமான பாஸ் செயல்பாடுகளையும் பதிவு செய்தனர்.
பொஸ்னியா அணி தற்காப்பு ஆட்டத்தில் உறுதியான செயல்பாடுகளை வெளிப்படுத்தி, பல முயற்சிகளை தடுத்து சமநிலையை தக்கவைத்தது.
இரண்டாவது பாதியில் சுவிட்சர்லாந்து தொடர்ந்து அழுத்தம் கொடுத்து ஆட்டத்தை கட்டுப்படுத்தியது. 73வது நிமிடத்தில் ஜோஹன் மன்சாம்பி முதல் கோலைப் பதிவு செய்து அணியை முன்னிலை பெற்றார்.
78வது நிமிடத்தில் பொஸ்னியா வீரர் தாரிக் முஹாரெமோவிக் சிவப்பு அட்டை பெற்று வெளியேறியதால், அந்த அணி 10 வீரர்களாக குறைந்தது.
இந்த வாய்ப்பை பயன்படுத்திய சுவிட்சர்லாந்து, 84வது நிமிடத்தில் ரூபன் வர்காஸ் கோல் அடித்து முன்னிலையை உயர்த்தியது. பின்னர் மன்சாம்பி தனது இரண்டாவது கோலையும் பதிவு செய்து வெற்றியை உறுதிப்படுத்தினார்.
கூடுதல் நேரத்தில் எர்மின் மாஹ்மிக் ஒரு கோல் அடித்து பொஸ்னியாவுக்கு ஆறுதல் அளித்தார். ஆனால் உடனடியாக கிரானிட் சாகா பெனால்டி வாய்ப்பை கோலாக மாற்றி சுவிட்சர்லாந்தின் 4–1 வெற்றியை உறுதி செய்தார்.
