ஜப்பானின் Chiba Prefecture பகுதியில் இன்று (26) சக்திவாய்ந்த நிலநடுக்கம் ஒன்று பதிவாகியுள்ளது.
இந்த நிலநடுக்கம் 5.8 ரிக்டர் அளவில் பதிவாகியதாக ஜப்பானிய ஊடகங்கள் தெரிவித்துள்ளன. நிலநடுக்கம் தலைநகர் Tokyo மற்றும் அதனைச் சுற்றிய பகுதிகளையும் உலுக்கியுள்ளது.
எனினும், சுனாமி எச்சரிக்கை எதுவும் விடுக்கப்படவில்லை என Japan Meteorological Agency மற்றும் அமெரிக்காவின் United States Geological Survey (USGS) உறுதிப்படுத்தியுள்ளன.
ஜப்பான் வானிலை ஆய்வு மையத்தின் தகவல்படி, இந்த நிலநடுக்கம் உள்ளூர் நேரப்படி மதியம் 12:46 மணியளவில் ஏற்பட்டுள்ளது. இது சுமார் 50 கிலோமீட்டர் ஆழத்தில் ஏற்பட்டதாகவும் தெரிவிக்கப்பட்டுள்ளது.
இதுவரை உயிரிழப்புகள் அல்லது பெரிய அளவிலான சேதங்கள் குறித்து எந்த அதிகாரப்பூர்வ தகவலும் வெளியாகவில்லை என அதிகாரிகள் தெரிவித்துள்ளனர்.
