.jpeg)
நியூயோர்க் – நியூஜெர்சி மைதானத்தில் நடைபெற்ற இந்தப் போட்டியில் தொடக்கம் முதலே இரு அணிகளும் ஆக்ரோஷமான ஆட்டத்தை வெளிப்படுத்தின. முதல் பாதியில் செனகல் அணி கடுமையான சவாலை வழங்கிய போதிலும், இரண்டாவது பாதியில் பிரான்ஸ் தனது முழு ஆதிக்கத்தையும் செலுத்தியது.
ஆட்டத்தின் 66ஆவது நிமிடத்தில் கிலியன் எம்பாப்பே முதல் கோலைப் பதிவு செய்து பிரான்ஸுக்கு முன்னிலை பெற்றுக் கொடுத்தார். தொடர்ந்து கூடுதல் நேரத்தின் ஆறாவது நிமிடத்தில் (90+6) தனது இரண்டாவது கோலையும் அடித்து அணியின் வெற்றியை மேலும் உறுதிப்படுத்தினார்.
இதன்மூலம் உலகக் கிண்ண வரலாற்றில் பிரான்ஸ் அணிக்காக அதிக கோல்கள் அடித்த வீரர் என்ற சாதனையை எம்பாப்பே சமன் செய்துள்ளார்.
இதற்கிடையில், 82ஆவது நிமிடத்தில் பிராட்லி பார்கோலா அடித்த கோல் பிரான்ஸின் முன்னிலையை 3-0 ஆக உயர்த்தியது.
போட்டியின் இறுதி தருணங்களில் செனகல் அணி ஒரு கோலைப் பதிவு செய்தாலும், அது ஆறுதல் கோலாக மட்டுமே அமைந்தது.
இந்த வெற்றியுடன் பிரான்ஸ் அணி 3 புள்ளிகளைப் பெற்று குரூப் 'I' பிரிவில் வலுவான தொடக்கத்தைப் பதிவு செய்துள்ளது. மேலும், கடந்த உலகக் கிண்ணத்தில் செனகலிடம் சந்தித்த தோல்விக்கு இந்த வெற்றியின் மூலம் பிரான்ஸ் பதிலடி கொடுத்துள்ளது.
.jpeg)