.jpeg)
பலத்த மழையுடன் மண்சரிவு, மண் சரிவு மற்றும் நில அதிர்வு அபாயங்கள் அதிகரித்துள்ளதால், பொதுமக்கள் பாதுகாப்பு வழிகாட்டுதல்களை கடைப்பிடிக்க வேண்டும் என NBRO வலியுறுத்தியுள்ளது.
இதன்படி, வீடுகளைச் சுற்றியுள்ள வடிகால் அமைப்புகளை சீரமைத்து மழைநீர் விரைவாக வெளியேற வழிவகை செய்யுமாறும், வீடுகளுக்கு மேலாக காணப்படும் பெரிய மரங்கள் மற்றும் அபாயகரமான பொருட்களை அகற்றுமாறும் அறிவுறுத்தப்பட்டுள்ளது.
மேலும், வீடுகளின் பின்னால் அமைந்துள்ள உயர்ந்த மண் பகுதிகளின் வழியாக மழைநீர் பாயாமல் இருக்க பாதுகாப்பு வடிகால் அமைப்புகளை ஏற்படுத்துவதோடு, கூரைகளில் இருந்து வரும் மழைநீரை பாதுகாப்பாக வெளியேற்ற நடவடிக்கை எடுக்க வேண்டும் என்றும் தெரிவிக்கப்பட்டுள்ளது.
மண்சரிவு அபாயப் பகுதிகளில் வசிக்கும் மக்கள், நிலத்தில் பிளவுகள் தோன்றுதல், மரங்கள் சாய்வு, திடீர் மண் நகர்வு போன்ற ஆரம்ப அறிகுறிகளை தொடர்ந்து கவனிக்க வேண்டும் என NBRO குறிப்பிட்டுள்ளது. சந்தேகத்திற்கிடமான நிலைமைகள் தென்பட்டால் உடனடியாக கிராம உத்தியோகத்தர் அல்லது சம்பந்தப்பட்ட அரச அதிகாரிகளுக்கு தகவல் வழங்குமாறும் கேட்டுக்கொள்ளப்பட்டுள்ளது.
அவசர நிலைமைகள் உருவானால் உடனடியாக பாதுகாப்பான இடங்களுக்கு வெளியேறுதல், அயலவர்களை எச்சரித்தல் மற்றும் அதிகாரிகளுடன் தொடர்பில் இருத்தல் உயிர் பாதுகாப்பிற்கு மிகவும் அவசியமானது என NBRO தெரிவித்துள்ளது.
