நாட்டின் பல பகுதிகளில் நிலவும் அதிகரித்த வெப்பமான வானிலை குறித்து இலங்கை வளிமண்டலவியல் திணைக்களம் முக்கிய எச்சரிக்கை அறிவிப்பை வெளியிட்டுள்ளது.
இன்று (07) பிற்பகல் 3.30 மணிக்கு வெளியிடப்பட்ட இந்த அறிவிப்பு, நாளை (08) தினத்திற்கும் செல்லுபடியாகும் என தெரிவிக்கப்பட்டுள்ளது.
அதன்படி, சபரகமுவ, வடக்கு, வடமத்திய, வடமேற்கு மற்றும் கிழக்கு மாகாணங்களிலும், ஹம்பாந்தோட்டை மற்றும் மொனராகலை மாவட்டங்களின் சில பகுதிகளிலும் மனித உடலுக்கு உணரப்படும் வெப்பச் சுட்டெண் “கவனம் செலுத்த வேண்டிய” (Caution Level) அளவில் இருக்கும் என எச்சரிக்கப்பட்டுள்ளது.
இதனால், வெளியில் அதிக நேரம் இருப்பது, நீரிழிவு ஏற்படும் நிலை மற்றும் வெப்பத்தால் ஏற்படக்கூடிய உடல் பாதிப்புகள் குறித்து பொதுமக்கள் அவதானமாக இருக்க வேண்டும் என திணைக்களம் அறிவுறுத்தியுள்ளது.
மேலும், போதுமான நீர் அருந்துதல், நேரடி வெயிலில் நீண்ட நேரம் நிற்பதை தவிர்த்தல் மற்றும் தேவையான முன்னெச்சரிக்கை நடவடிக்கைகளை மேற்கொள்ளுமாறு பொதுமக்களுக்கு வலியுறுத்தப்பட்டுள்ளது.
இந்த வெப்ப அலை தொடரக்கூடியதால், சிறுவர்கள், முதியவர்கள் மற்றும் நோயாளிகள் அதிக கவனத்துடன் இருக்க வேண்டும் எனவும் அறிவுறுத்தப்பட்டுள்ளது.
