உலக மக்களுக்கு அமைதிச் செய்தியைப் பகிர்ந்து கொள்ளவும், பௌத்த மதத்தின் செய்தியை சர்வதேசத்திற்கு எடுத்துச் செல்லவும் இலங்கையில் 07 நாட்கள் முன்னெடுக்கப்பட்ட ஏஹிபஸ்ஸிகோ அமைதி நடைபயணம் வெற்றிகரமாக நிறைவடைந்துள்ளது.
இந்த நடைபயணத்தை நிறைவு செய்த வணக்கத்திற்குரிய பஞ்ஞாகர தேரர் உள்ளிட்ட வியட்நாம் தேரர்கள் குழுவினர் இன்று (29) காலை நாட்டிலிருந்து புறப்பட்டுச் சென்றனர்.
அவர்கள், ‘அலோகா’ எனும் நாயுடன் மற்றும் ஏனைய குழுவினருடன் இன்று காலை 07:12 மணியளவில், கட்டுநாயக்க சர்வதேச விமான நிலையம் இலிருந்து இஸ்தான்புல் நகரை நோக்கிப் புறப்பட்டுள்ளனர். அங்கிருந்து அவர்கள் மற்றுமொரு விமானம் மூலம் அமெரிக்கா செல்லவுள்ளதாக தெரிவிக்கப்பட்டுள்ளது.
இன்று அதிகாலை, கட்டுநாயக்க விமான நிலையத்தின் விசேட விருந்தினர் அறையை வந்தடைந்த பிக்குகளுக்கு தானம் வழங்கப்பட்டதுடன், விமான நிலையத்தின் பல்வேறு பிரிவுகளில் பணியாற்றும் ஊழியர்களிடமிருந்து ஆசீர்வாதங்களையும் பெற்றுக்கொண்டனர்.
இதன்போது, ‘அலோகா’ நாயின் உடல்நிலை குறித்து கால்நடை வைத்தியர்கள், விமான நிலைய பொலிஸார் மற்றும் விமானப்படை அதிகாரிகள் விசேட கவனம் செலுத்தியிருந்தனர்.
மேலும், ஏஹிபஸ்ஸிகோ அமைதி நடைபயணம் நிறைவு விழா, அநுர குமார திசாநாயக்க அவர்களின் பங்கேற்புடன் நேற்று (28) பிற்பகல் சுதந்திர சதுக்கம் பகுதியில் நடைபெற்றது குறிப்பிடத்தக்கது.
