.jpg)
.jpg)
இவ்வாண்டின் இதுவரையான காலப்பகுதியில், அமெரிக்க டொலருக்கு நிகரான இலங்கை ரூபாவின் பெறுமதி 6.3 சதவீதத்தால் வீழ்ச்சியடைந்துள்ளதாக இலங்கை மத்திய வங்கி தெரிவித்துள்ளது.
இது தொடர்பான தகவல்களை இலங்கை மத்திய வங்கி வெளியிட்டுள்ளதுடன், நாட்டின் நாணய மாற்று வீதத்தில் ஏற்பட்டுள்ள மாற்றம் குறித்தும் கவனம் செலுத்தப்பட்டுள்ளது.
வெளிநாட்டு முதலீட்டாளர்களின் முதலீடுகளில் அதிகரிப்பு
இதற்கிடையில், வெளிநாட்டு முதலீட்டாளர்களிடம் உள்ள திறைசேரி உண்டியல்கள் மற்றும் பத்திரங்களின் பெறுமதி, முந்தைய வாரத்துடன் ஒப்பிடுகையில் 1.6 சதவீதத்தால் அதிகரித்துள்ளதாகத் தெரிவிக்கப்பட்டுள்ளது.
திறைசேரி உண்டியல்கள் மற்றும் பத்திரங்களின் வருவாய்
கடந்த வாரத்தில், திறைசேரி உண்டியல்கள் மற்றும் பத்திரங்களின் வருவாய் விகிதங்கள் பெரும்பாலும் குறிப்பிடத்தக்க மாற்றங்களின்றி நிலையாகக் காணப்பட்டதாகவும் தெரிவிக்கப்பட்டுள்ளது.
இலங்கை ரூபாவின் பெறுமதி வீழ்ச்சியடைந்துள்ள நிலையில், வெளிநாட்டு முதலீட்டாளர்களின் திறைசேரி முதலீடுகளில் ஏற்பட்டுள்ள அதிகரிப்பும் நிதிச் சந்தை நிலவரங்களில் கவனம் பெற்றுள்ளது.
.jpg)