.jpg)
2027ஆம் ஆண்டுக்கான முக்கிய பாடசாலைப் பரீட்சைகள் நடைபெறும் திகதிகளைப் பரீட்சைத் திணைக்களம் அறிவித்துள்ளது.
பரீட்சை ஆணையாளர் இந்திகா குமாரி லியனகே வெளியிட்டுள்ள அறிவிப்பின்படி, 2027ஆம் ஆண்டுக்கான 5ஆம் தர புலமைப்பரிசில் பரீட்சை ஆகஸ்ட் மாதம் 1ஆம் திகதி நடத்தப்படவுள்ளது.
அதேவேளை, க.பொ.த. உயர்தரப் பரீட்சை 2027 ஆகஸ்ட் 3ஆம் திகதி முதல் ஆகஸ்ட் 28ஆம் திகதி வரை நடைபெறவுள்ளது.
பொதுத் தகவல் தொழில்நுட்பப் பரீட்சை எனப்படும் GIT பரீட்சை, 2027 ஒக்டோபர் மாதம் 24ஆம் திகதி நடத்தப்படவுள்ளதாகவும் தெரிவிக்கப்பட்டுள்ளது.
இதனிடையே, க.பொ.த. சாதாரண தரப் பரீட்சை 2027 டிசம்பர் 7ஆம் திகதி முதல் டிசம்பர் 17ஆம் திகதி வரை நடத்துவதற்கு திட்டமிடப்பட்டுள்ளது.
இதன் மூலம், 2027ஆம் ஆண்டில் நடைபெறவுள்ள முக்கிய தேசியப் பரீட்சைகளுக்கான ஆரம்பகட்ட கால அட்டவணை அறிவிக்கப்பட்டுள்ளதால், மாணவர்கள் மற்றும் ஆசிரியர்கள் தங்களது கல்வி நடவடிக்கைகளை அதற்கேற்ப திட்டமிட முடியும்.
