.jpeg)
தேசிய டெங்கு ஒழிப்பு பிரிவின் தற்காலிக பணிப்பாளர் வைத்தியர் கபில கன்னங்கர கூறுகையில், நோயாளர்கள் அதிகளவில் அனுமதிக்கப்படுவதால் அவர்களுக்கு தேவையான சிகிச்சை மற்றும் பராமரிப்பு சேவைகளை வழங்குவதில் கடுமையான சவால்கள் உருவாகியுள்ளன என்றார்.
மேலும், தற்போதைய நிலைமை தொடருமானால், எதிர்வரும் நாட்களில் டெங்கு காரணமான உயிரிழப்புகளின் எண்ணிக்கையும் அதிகரிக்கும் அபாயம் இருப்பதாக அவர் எச்சரிக்கை விடுத்துள்ளார்.
தற்போது நாடு முழுவதும் பதிவாகியுள்ள 59,638 டெங்கு நோயாளர்களில் 52.4 சதவீதம் பேர் மேல் மாகாணத்தைச் சேர்ந்தவர்கள் எனவும் அவர் தெரிவித்தார்.
இந்த நிலைமையை கட்டுப்படுத்தும் நோக்கில், அதிகளவில் டெங்கு நோயாளர்கள் பதிவாகியுள்ள 22 சுகாதார வைத்திய அதிகாரி (MOH) பிரிவுகள் அடையாளம் காணப்பட்டு, அந்த பகுதிகளை மையமாகக் கொண்டு ஒரு வார கால சிறப்பு டெங்கு ஒழிப்பு நடவடிக்கை முன்னெடுக்கப்படவுள்ளது.
இந்த நடவடிக்கையின் முன்னேற்றம் ஒரு வாரத்திற்குப் பிறகு மதிப்பீடு செய்யப்பட்டு, அதன் முடிவுகளின் அடிப்படையில் எதிர்காலத்திலும் இதேபோன்ற திட்டங்களை தொடர்ந்து செயல்படுத்த அதிகாரிகள் திட்டமிட்டுள்ளனர்.
மேலும், டெங்கு பரவலை கட்டுப்படுத்த குறுகிய கால, நடுத்தர கால மற்றும் நீண்டகால என மூன்று கட்டங்களாக செயல் திட்டங்கள் தயாரிக்கப்பட்டுள்ளதாகவும் தெரிவிக்கப்பட்டுள்ளது.
தற்போதைய சூழலில் வைத்தியசாலைகள் கடுமையான அழுத்தத்தை எதிர்கொண்டு வருவதால், உடனடி அவசர நடவடிக்கைகளுக்கு முன்னுரிமை அளிக்கப்பட்டுள்ளதாக தேசிய டெங்கு ஒழிப்பு பிரிவு வலியுறுத்தியுள்ளது.
