மூலோபாய முக்கியத்துவம் வாய்ந்த Strait of Hormuz நீரிணை முழுமையாக மூடப்படவுள்ளதாக Islamic Revolutionary Guard Corps Navy அறிவித்துள்ளது.
United States ஈரானிய துறைமுகங்கள் மற்றும் கப்பல்கள் மீது மேற்கொண்டுள்ள முற்றுகை நடவடிக்கைகள் நீக்கப்படும் வரை இந்த முடிவு அமலில் இருக்கும் என தெரிவிக்கப்பட்டுள்ளது.
இதற்கு முன்னர், கப்பல்கள் பாதுகாப்பாகச் செல்ல ஒதுக்கப்பட்டிருந்த சிறப்பு கடல் பாதைகளையும் மூட தீர்மானிக்கப்பட்டுள்ளதாக கடற்படை அதிகாரிகள் தெரிவித்துள்ளனர். மேலும், Iran அரசின் அனுமதியுடன் மற்றும் சுங்கக் கட்டணம் செலுத்தி மட்டுமே சில கப்பல்கள் இந்த நீரிணை வழியாகச் செல்ல முடியும் என முன்பே அறிவிக்கப்பட்டிருந்தது.
இந்நிலையில், இந்தத் தடைகளை மீறி பயணிக்கும் எந்தவொரு கப்பலும் இலக்காகக் கொள்ளப்படும் என ஈரான் கடுமையான எச்சரிக்கை விடுத்துள்ளது.
அமெரிக்காவின் கடற்படை நடவடிக்கைகள், இரு நாடுகளுக்கிடையே இருந்த போர் நிறுத்த ஒப்பந்தத்தை மீறுவதாக ஈரான் குற்றம்சாட்டியுள்ளது.
இதற்கிடையில், நேற்று (18) Gulf of Oman மற்றும் Strait of Hormuz அருகிலுள்ள கடற்பரப்புகளில் இரண்டு கப்பல்கள் தாக்கப்பட்டதாக தகவல்கள் வெளியாகியுள்ளன. அவற்றில் குறைந்தது ஒரு கப்பல் ஈரானிய ஆயுதப் படகுகளால் தாக்கப்பட்டிருக்கலாம் என சர்வதேச தகவல்கள் தெரிவிக்கின்றன.
இந்த சூழ்நிலை காரணமாக, உலகளாவிய எண்ணெய் விநியோகம் மற்றும் கடல் போக்குவரத்துக்கு பெரும் பாதிப்பு ஏற்படும் அபாயம் உருவாகியுள்ளதாக சர்வதேச ஆய்வாளர்கள் எச்சரித்துள்ளனர்.
