மாவீரர் நினைவு நாள் நடாத்த முன்நாள் போராளிகளுக்கு மட்டுமே உரிமையுண்டு என முன்னாள் போராளி ஒருவர் காணொளி ஒன்றினை சமூக ஊடகத்தில் வெளியிட்டுள்ளார்.
மாவீரர்கள் நாளும் தமிழ் அரசியல்வாதிகளும்.
1989 ம் ஆண்டு முதல் 2008 ம் ஆண்டுவரை இயக்கம் மாவீரர்கள் நாளை வடக்கு கிழக்கு மற்றும் ஈழத்தமிழர்கள் வாழும் நாடுகளில் நவம்பர் 27 ம் திகதி நடத்தி வந்தது. அதன் போது அந்த நிகழ்வுகளை இயக்கமே நடத்தி வந்தபோதும் எந்த தமிழ் அரசியல் வாதிகளையும் அதில் கலந்து கொள்ளவில்லை காரணம் இயக்கம் தமிழ் அரசியல்வாதிகளை பார்வையாளராக தவிர நிகழ்வுகளில் கலந்து கொள்ள அனுமதிக்கவில்லை.
ஆனால் இன்று வடக்கு கிழக்கில் தமிழ் அரசியல்வாதிகள் தங்களின் அரசியல் நலனுக்காக மாவீரர்கள் நாளை நடத்தி வருகின்றனர். இவர்கள் தொடர்ந்து தமிழ்மக்களை ஏமாற்றி வருகின்றனர்.
புனர்வாழ்வு பெற்ற ஆயிரக்கணக்கான முன்னாள் போராளிகள் இருந்தும் அவர்களை புறக்கணித்து இந்த தமிழ் அரசியல்வாதிகள் மாவீரர் நாள் நிகழ்வை நடத்தி வருகின்றனர்.
முன்னாள் போராளிகளின் வாழ்வாதாரத்தை மேம்படுத்தாமல் இந்த அரசியல் வாதிகள் தங்களின் அரசியல் நடவடிக்கைகாக மட்டுமே இந்த மாவீரர் நாளை நடத்தி வருகின்றனர்.
எந்தவொரு அரசியல் கட்சிக்கும் மாவீரர் நாள் கொண்டாட அனுமதியழிக்க வேண்டாம். அவர்களுக்கு இந்த நிகழ்வை நடாத்த யாரும் பணம் அனுப்பவோ கொடுக்கவோ வேண்டாம். கடந்த காலங்களில் அரசியல் கட்சி சார்ந்தவர்கள் பெருந்தொகையான பணத்தினை தங்கள் சொந்த பொக்கட்டில் தான் போட்டார்கள். அதற்காகவே முன்நிற்பது போல் வேடமிடுகிறார்கள்.
அன்பான தமிழ் மக்களே, இந்த அரசியல் வியாபாரிகளிடம் இருந்து மாவீரர் நாளை மீட்டு முன்னாள் போராளிகளிடம் ஒப்படைக்க வேண்டி போராடுவோம்.
தங்களை ஆகுதியாக்கவே களத்தில் போராடிய அந்த போராளிகளுக்கு மட்டுமே உரிமையுடையவர்கள் ஆவார்கள். உயிரை தியாகம் செய்த மாவீரர்களின் விலைமதிக்க முடியாத அர்ப்பணிப்பை அரசியல் வேட தாரிகளிடம் கையளிக்க வேண்டாம்.
